Kanifollu qələm (Flux pen)

Flux (Kanifol), lehimləmə işlərində istifadə olunan və lehimin səthə daha yaxşı yayılmasını təmin edən kimyəvi maddədir. O cümlədən, metal səthlərdə oksidləşmənin qarşısını almaq üçün də istifadə olunur. Flux (Kanifol), həm də, metal səthlərdəki kirləri təmizləyərək lehimin metal səthə daha yaxşı yapışmasını təmin edir. Əsasən, pasta yaxud maye formasında mövcuddur. Adətən, metal toz qarışıqlarından, ağac gövdələrində olan təbii yapışqan maddədən və müxtəlif kimyəvi maddələrin qarışığından təşkil olunmuşdur. Maye kanifollar sprey yaxud fırça ilə səthə tətbiq edilir. No-Clean xüsusiyyətinə malik kanifollarda lehimləmə sonrasında səthin təmizlənməsinə ehtiyac olmur.
Kanifollu qələmlər kiçik ölçüdə olan SMT (Surface Mount Technology) komponentləri lehimləyərkən həssas və kontrollu şəkildə kanifolu səthə çəkmək üçün əlverişlidir.

Əlavə keçidlər:

• “Lehimləmək Asandır” Komiks Bələdçi PDF